ಉನ್ನತ ಶಿಕ್ಷಣದಲ್ಲಿ ಅತಿಥಿ ಉಪನ್ಯಾಸಕರ ಬಿಕ್ಕಟ್ಟು: ಆತ್ಮಗೌರವ ಮತ್ತು ಅಸ್ತಿತ್ವದ ನಡುವಿನ ಹೋರಾಟ
ಸಾರಾಂಶ: ತ ರಗತಿಗಳಿಗೆ ಉದ್ಯಮ ಹಾಗೂ ಹೊರಗಿನ ಪ್ರಾಯೋಗಿಕ ಅನುಭವವನ್ನು ತರುವ ಉದ್ದೇಶದಿಂದ University Grants Commission (UGC) ಆರಂಭಿಸಿದ ಈ ತಾತ್ಕಾಲಿಕ ವ್ಯವಸ್ಥೆಯು, ಇಂದು ಭಾರತದ ಉನ್ನತ ಶಿಕ್ಷಣದಲ್ಲಿ ಸದಾಕಾಲಿಕ 'Cheap labour' ಆಗಿ ಪರಿಣಮಿಸಿದೆ. ಸಾರ್ವಜನಿಕ ವಿಶ್ವವಿದ್ಯಾಲಯಗಳು ಮತ್ತು ಸರ್ಕಾರಿ ಪದವಿ ಕಾಲೇಜುಗಳಲ್ಲಿ ಅತಿಥಿ ಉಪನ್ಯಾಸಕರು ಪೂರ್ಣ ಪ್ರಮಾಣದ ಬೋಧನಾ ಹೊಣೆಗಾರಿಕೆ, ಪ್ರಾಕ್ಟಿಕಲ್ ತರಗತಿಗಳು, ಉತ್ತರ ಪತ್ರಿಕೆಗಳ ಮೌಲ್ಯಮಾಪನ ಹಾಗೂ ವಿಭಾಗೀಯ ಆಡಳಿತಾತ್ಮಕ ಕೆಲಸಗಳನ್ನು ನಿರ್ವಹಿಸುತ್ತಿದ್ದಾರೆ. ಆದರೂ, ಅವರು ಮೂಲಭೂತ ಶಾಸನಬದ್ಧ ಹಕ್ಕುಗಳು, ಸಂಶೋಧನಾ ಅನುದಾನ (Research Funding), ಹೆರಿಗೆ/ಪಿತೃತ್ವ ರಜೆಗಳು, ವೇತನದ ಅಧಿಕೃತ ದಾಖಲೆಗಳು (Salary Documentation) ಮತ್ತು ಸಾಮಾಜಿಕ ಭದ್ರತೆಯಿಂದ ಸಂಪೂರ್ಣವಾಗಿ ವಂಚಿತರಾಗಿದ್ದಾರೆ. ATTENTION: GUEST FACULTY AT KARNATAKA STATE UNIVERSITIES Please fill out this survey form: https://forms.gle/fGneSj5sGksr7sTZ8 1. ತಾತ್ಕಾಲಿಕ ಪರಿಹಾರ ಎಂಬ ಭ್ರಮೆ ಭಾರತದ ಉನ್ನತ ಶಿಕ್ಷಣ ಸಂಸ್ಥೆಗಳು ಪ್ರಸ್ತುತ ಒಂದು ವ್ಯವಸ್ಥಿತ ಹಾಗೂ ಆಂತರಿಕ ಬಿಕ್ಕಟ್ಟನ್ನು ಎದುರಿಸುತ್ತಿವೆ. ಕಳೆದ ಎರಡು ದಶಕಗಳಲ್ಲಿ, ನಿವೃತ್ತಿ, ಅಧ್ಯಯನ ರಜೆ ಅಥವಾ ವಿದ್ಯಾರ್ಥಿಗಳ ಸಂಖ್ಯೆ ದಿಢೀರನೆ ಹೆಚ್ಚಾದಾಗ ಉಂಟಾಗುವ ಖಾಲಿ ಹುದ್ದೆಗಳನ್ನು ಭರ...